Գաղտնիք բացեմ և ասեմ, որ երեկ ինձ զգուշացրել էինք, որ այս թեմայով հարց եք տալու. Փաշինյանը` պատգամավորին
Քիչ առաջ «Իմ քայլը» խմբակցության պատգամավոր Արմեն Փամբուխչյանն ԱԺ-կառավարության հարցուպատասխանին անդրադարձավ պարգևավճարներին:
Նա մասնավորապես նշեց. «Որոշ լրատվամիջոցներում շահարկվում և բացասական իմաստով է ներկայացվում պարգևավճարների հարցը և սոցցանցերի օգտատերերն ակտիվորեն քննարկում են և այսպիսի թեզ են առաջ քաշում, որ հեղափոխական թիմն առհասարակ պետք է հրաժարվեր պարգևավճարներից` հիմնավորելով, որ առանց այդ էլ բարձրաստիճան պաշտոնյաների աշխատավարձը բարձր է»:
Վարչապետը հարցին պատասխանելուց առաջ նախ որոշեց մի գաղտնիք բացել, նշելով. «Ուզում եմ մի գաղտնիք բացել, և ասել, որ Դուք երեկ ինձ զգուշացրել էիք, որ այս թեմայով հարց եք տալիս, ես պատրաստված եմ եկել: Երեկվա քննարկումներից ես հասկացա, որ ես թյուրըմբռնում ունեմ: Ես ձայնագրությամբ ցույց կտամ, որ պետական աշխատողների աշխատավարձերի բարձրացումը Հանրապետության հրապարակից տված իմ խոստումն է»:
