ՀՀ դատախազությունն արձագանքել է ԱԺ աշխատակազմի նախկին տեղակալ Արսեն Բաբայանի գրառմանը: Դատախազության հանրային կապերի բաժնի պետ Արևիկ Խաչատրյանը SHANTNEWS.am-ի հետ զրույցում նշեց. 

«Արսեն Բաբայանի գրառման վերաբերյալ հրապարակումն ուղարկվել է քրեական ոստիկանություն՝ դրանում նշված հանգամանքների ստուգման նպատակով համապատասխան գործողություններ կատարելու»: 

Բաբայանը ֆեյսբուքյան իր էջում փետրվարի 24-ին տարածել էր օգտատեր Քրիստ Հովսեփյանի գրառումը՝ ՀՀ գլխավոր դատախազությանը հորդորելով կից հայտարարությունն ընդունել որպես հանցագործության մասին հաղորդում և քրեադատավարական կարգով ձեռնարկել հրատապ ու անհրաժեշտ միջոցներ: