Զոհրաբ Մնացականյանը հանդիպում է «Իմ քայլը» խմբակցության հետ
«Իմ քայլը» խմբակցությունն այսօր փակ հանդիպում է կազմակերպել ՀՀ ԱԳ նախարար Զոհրաբ Մնացականյանի հետ: Թե ի՞նչ հարցեր են քննարկվելու հանդիպման ժամանակ, ի՞նչ օրակարգով է հանդիպումը, լրագրողները հետաքրքրվեցին Մնացականյանից: Նա պատասխանեց.
«Սրանք պարբերական բնույթ կրող հանդիպումներ են: Այս անգամ ինձ քննարկման է հրավիրել «Իմ քայլը» խմբակցությունը, ես ուրախությամբ ընդունել եմ: Մեր քննարկման թեմաները բավական լայն են, դրանք վերաբերում են մեկ բանի՝ ՀՀ ազգային անվտանգության հարցերին՝ արտաքին ոլորտի մասով, և այն գործունեությանը, որ մենք վարում ենք արտաքին ոլորտում: Դա բավական լայն օրակարգ է, որը վերաբերում է մեր երկրի, մեր տարածաշրջանի շուրջ զարգացումներին»:
