Պարզեցի, որ մեր ընտանիքի մյուս կեսը պակաս արդյունավետ չի անցկացնում օրը. պատգամավոր

ԱԺ «Իմ քայլը» խմբակցության անդամ Համազասպ Դանիելյանը ֆեյսբուքյան իր էջում տարածել է տեսանյութ՝ Երևանի ավագանու նիստից:

 Այսօր Երևանի ավագանու անդամ Գայանե Վարդանյանը, ով Համազասպ Դանիելյանի կինն է, նիստին ներկայացել էր իր փոքրիկի հետ:

Տեսանյութին կից՝ Դանիելյանը գրել է.

«Էսօր առավոտ շուտ մեր զույգ դպրոցական բալիկներին դպրոց հասցնելուց ու ԱԺ պատմության մեջ իմ իմացած ամենավաղ ժամի գումարված հանձնաժողովի նիստին որպես համազեկուցող հանդես գալուց ու 2020 թ. բյուջեի հաստատմանը մասնակցելուց հետո, պարզեցի, որ մեր ընտանիքի մյուս կեսը պակաս արդյունավետ չի անցկացնում օրը…»: