Կոռուպցիայի մասին զեկուցել են Սարհատ Պետրոսյանին, ընթացք չի տվել․ Ավինյանը նամակներ է ստանում
Նույն պարոն Սարհատ Պետրոսյանի հրաժարականից հետո ես ստանում եմ նամակ Կադաստրի կոմիտեի վարչության պետերից մեկից, որտեղ նա խոսում է 2 տասնյակից ավելի կոռուպցիոն սխեմաների մասին, որը զեկուցվել է պարոն Պետրոսյանին եւ պարոն Պետրոսյանը ըստ այդ նամակի, չի տվել ընթացք: Այս մասին այսօր լրագրողների հետ զրույցում ասաց ՀՀ փոխվարչապետ Տիգրան Ավինյանը։
Փոխվարչապետի նշեց, որ հիմա պետք է հասկանալ, թե ինչպես վերաբերվել նման հայտարարություններին:
«Կարծում եմ՝ պետք է հանգիստ վերաբերվել, կտրուկ շարժումներ չանել, վերլուծել, հասկանալ, նաեւ հասկանալ տողատակերը: Որովհետեւ այն վարչությունը, որի պետն այդ նամակն ինձ ուղղել է, շուտով փակվելու է: Ուզում եմ ասել՝ բոլոր հայտարարությունների մեջ պետք չի միայն բուն հայտարարությանն ուշադրություն դարձնել, այլ նաեւ հասկանալ մոտիվները, թե ինչու է դա արվում»,- ասաց Ավինյանը:
