Եթե ժամանակավոր պաշտոնակատար է, անորոշություն է մտցնում աշխատանքում. Թունյան
«Եթե ժամանակավոր պաշտոնակատար է, անորոշություն է մտցնում աշխատանքում, բայց ավելի վտանգավոր է, որ այդ պաշտոնին նշանակվեն զուտ ժամկետի կամ արագության համար մարդիկ, որոնք այդ պաշտոտնի չեն համապատասխանում»,- նոյեմբերի 6-ին, լրագրողների հետ զրույցում, ի պատասխան հարցի, թե արդյո՞ք վտանգավոր չէ, որ մի շարք կառույցներ մնացել են ԺՊ-ի հույսին, ասաց ՀՀ ԱԺ «Իմ քայլը» խմբակցության անդամ Բաբկեն Թունյանը:
Նրա խոսքերով՝ ավելի լավ է մի քիչ երկար մտածել որոշում կայացնելու շուրջ, բայց չսխալվել: Իսկ հարցին՝ իշխանությունը չունի՞ լավ կադրեր, որ դանդաղում է այս հարցում, Թունյանը կարճ պատասխան տվեց.
«Իշխանությունը շատ կադրեր ունի, դրա համար դժվար է կողմոնորոշվել, թե լավ կադրերից ինչպես լավագույնին ընտրել»:
