Կառավարությունն Ամուլսարի հանքի շուրջ ստեղծված իրավիճակում 100 տոկոսանոց թափանցիկ է աշխատում. Փաշինյան

ՀՀ վարչապետ Նիկոլ Փաշինյանը սեպտեմբերի 16-ին անդրադարձավ Ամուլսարի հանքի շահագործման համար ծախսված 400 հազար դոլարին: Լրագրողի դիտարկմանը նշված գումարի վատնման մասին՝ Փաշինյանն արձագանքել է` ծախսվել է Ամուլսարի հանքի շահագործման վերաբերյալ ճշմարտ բացահայտելու համար:

«Ես չեմ կարծում, թե հանուն ճշմարտության ծախսված որևէ գումար կարելի է համարել «վատնված»: Սկսած առաջին օրվանից՝ Կառավարությունն Ամուլսարի հանքի շուրջ ստեղծված իրավիճակում 100 տոկոսանոց թափանցիկ է աշխատում, հրապարակային:

«Էլարդի» հետ սկայպ-կոնֆերանսի ընթացքում նաև այլ հանգամանքներ պարզվեցին, պարզվեց՝ այդտեղ կա որոշակի բանավեճ, նաև «Էլարդի» եզրակացությունը և ասածը այն էր, երբ ես իրենց հարց տվեցի, թե՝ ձեր առաջարկած պայմաններում երաշխավորո՞ւմ եք անվտանգությունը և այլն, ասացին, որ բոլոր դեպքերում անվտանգության երաշխավորը «Լիդիան» ընկերությունն է»,- ասաց վարչապետը: