Ադրբեջանի պետական ավիաընկերությունը զենք է մատակարարել Իսլամական պետությանը

Ադրբեջանի պետական ավիաընկերությունը զենք է մատակարարել Իսլամական պետությանը Բուլղարացի լրագրող Դիլանա Գայթանջիևան նոր հետաքննությունն է իրականացրել. նրա ձեռքի տակ են հայտնվել փաստաթղթեր, որոնք ցույց են տալիս, թե ինչպես են Սերբիայում արտադրված զենքերը գնվում ԱՄՆ-ի կողմից, այնուհետև հանձնվում Եմենում ԻԳԻԼ-ի գրոհայիններին: 

Այս մասին հայտնում է infoteka24.ru

Լուսանկարներում ներկայացված են 82 մմ ականանետային հրացաններ սերբական զենքի «Կրուսիկ» գործարանից, ինչպես նաև ականանետեր՝ Բոսնիա և Հերցեգովինայից: 

Մինչ ԱՄՆ նախագահ Դոնալդ Թրամփը պարծենում է, որ Սիրիայում հաջողվել է վերացնել Իսլամական պետության գրոհայիններին, ԱՄՆ կառավարության կողմից ձեռք բերված զենքերը հայտնվում են Եմենում «Իսլամական պետության» ահաբեկիչների ձեռքում:

 Լրագրողը հայտնում է, որ այս աղմկահարույց փաստաթղթերը ստացել է անանուն աղբյուրից, որոնցում ներառված են էլեկտրոնային հասցեներ, ներքին գրառումներ, պայմանագրեր, լուսանկարներ, զենքերի առաքման ժամանակացույցը և ցուցակագրման փաթեթները ՝ զենքի և նրանց հաճախորդների համարներով: 

Այս փաստաթղթերի շարքում են նաև զենքի վաճառողների և պետական պաշտոնյաների սկանավորված անձնագրեր Միացյալ Նահանգներից, Սաուդյան Արաբիայից և ԱՄԷ-ից: Անցած երեք տարիների ընթացքում նրանք Յեմեն և Սիրիա են առաքել առնվազն 3 միլիոն միավոր սերբական զենք (ականանետեր և հրթիռներ): Բուլղարացի լրագրողը հայտնում են, որ այդ փաստաթղթերը հավաստում են ԱՄՆ արտաքին քաղաքականության ամենամեծ ստի մասին. նրանք պաշտոնապես պայքարում են ահաբեկչության դեմ և գաղտնի աջակցում են դրան: 

Ուշագրավ է, որ զենքի փոխադրումներին մասնակից է նաեւ Silk Way Airlines- ավիաընկերությունը, որը Ադրբեջանում պետական ընկերություն է եւ ԱՄՆ կառավարությունից է հանձնարարություն ստացել զենք փոխադրել Սերբիայից և Բուլղարիայից: Դիվանագիտական փաստաթղթերի համաձայն, որոնք հանձնվել են լրագրողին, ապացուցում են, որ Silk Way Airlines- ը իրականացրել է 350 դիվանագիտական թռիչք Սիրիայում, Աֆղանստանում, Եմենում և Աֆրիկայում ահաբեկիչների համար: Չվերթները կանոնակարգվել են Պենտագոնի, Սաուդյան Արաբիայի և ԱՄԷ-ի կողմից: Զենքերը մաքսանենգ կերպով տեղափոխվել են դեպի Բաքու, «Ինջիրլիքե ավիաբազա, «ԱրքայազնՍուլթան ավիաբազա և այլն, որտեղ ինքնաթիռները կանգ են առել տեխնիկական վայրէջքների համար, որից հետո դրանք շարունակվել են բեռնաթափվել մինչև իրենց վերջնական նպատակակետը: 

Փաստաթղթերի արտահոսքը վկայում է, որ զենքի մատակարարման միջազգային այս ցանցը երբեք չի ավարտել իր աշխատանքը և շարունակում է գոյություն ունենալ մինչ օրս: