Հայաստանից Ռուսաստան մեկնող մինիվենը Տյումենի շրջանում վթարի է ենթարկվել: Renault Logan մակնիշի թեթև մարդատար ավտոմեքենան բախվել է Հայաստանից Օմսկ մեկնող Toyota մակնիշի մինիվենին: Այս մասին Интерфакс-Урал-ին են հաղորդել իրավապահ մարմինները: 

Տեղական լրատվամիջոցների փոխանցմամբ՝ վթարը տեղի է ունեցել թեթև մարդատար ավտոմեքենայի վարորդի պատճառով: Կինը տեսադաշտից կորցրել է իր ուղեկիցներին և փորձել հետադարձ կատարել: Հենց այդ ժամանակ էլ բախվել է մինիվենին: 

Կին վարորդը տեղում մահացել է: Նրա մեքենայում գտնվող 3 ուղևորներին, ինչպես նաև մինիվենի վարորդին և 2 ուղևորների բուժօգնություն է ցուցաբերվել: