Կոտայքի մարզպետին դատի են տվել զրպարտությունը հերքելու պահանջով

Քաղաքացի Վեներա Գյունյանը դատական հայց է ներկայացրել Կոտայքի մարզպետ Ռոմանոս Պետրոսյանի դեմ՝ պահանջելով հերքել զրպարտությունը: Այս մասին NEWS.am-ը տեղեկացավ Դատական տեղեկատվական համակարգից։

Գործը մակագրվել է Կոտայքի մարզի առաջին ատյանի ընդհանուր իրավասության դատարանի դատավոր Մեխակ Գեւորգյանին:

Հիշեցնենք, որ հունիսի 9-ին՝ Աբովյանի քաղաքապետի ընտրություններին Ռոմանոս Պետրոսյանը ընտրատեղամասերից մեկում Վեներա Գյուլինյանի մոտ հայտնաբերել էր անուններով եւ հեռախոսահամարներով ցուցակ ։

Մարզպետը նշել էր, որ Գյուլինյանը գործող քաղաքապետ եւ քաղաքապետի թեկնածու Վահագն Գեւորգյանի վստահված անձն է եւ «Գագիկ Ծառուկյան բարեգործական հիմնադրամի» Աբովյանի ուսանողական խորհրդի ղեկավարը: