Սուրիկ Խաչատրյանը ծանր վիճակում է. Hraparak.am
Սյունիքի նախկին մարզպետ Սուրիկ Խաչատրյանը ծանր, մահամերձ վիճակում է՝ կոմայի մեջ, գրում է Hraparak.am-ը: Նշվում է, որ նա Եվրոպայում բուժվում է, և ընտանիքը օրերս մեկնել է նրա մոտ:
Կայքը կապ է հաստատել Սուրիկ Խաչատրյանի մերձավորներից մեկի հետ, որն ասել է, որ նրա վիճակն իսկապես ծանր է եղել, սրտի հետ կապված լուրջ խնդիրներ են ծագել և միայն շտապ վիրահատության միջոցով են կարողացել կյանքը փրկել։
Նշվում է, որ Խաչատրյանը երկու անգամ սրտի բաց վիրահատության է ենթարկվել, սակայն այժմ գիտակցության է եկել և ինքնուրույն շնչում է: Բայց բուժումը, ըստ ամենայնի, դեռ կշարունակի Ֆրանսիայում։
