Պատգամավորը` իր հետ կապվող 20 մլն դրամ արժողությամբ հեռախոսահամարի մասին

Այսօր լրագրողների հետ  ճեպազրույցի ընթացքում պատգամավոր Հայկ Սարգսյանը անդրադառնալով Newspress.am կայքում զետեղված՝  «Հերթական թանկարժեք նվերը՝ 20 մլն դրամ արժողությամբ հեռախոսահամար Հայկ Սարգսյանին»  հրապարակմանը՝ Հայկ Սարգսյանը նշեց․ «Այս հոդվածն այն մասին է, որ Մալաթիա-Սեբաստիա վարչական շրջանի  նախկին ղեկավարն ինձ   է նվիրել 033 00 00 00  հեռախոսահամարը։ Ես  տվյալ անձին չեմ ճանաչում, երբևէ որևէ շփում չեմ ունեցել, չեմ հանդիպել, անգամ հեռախոսազանգ չեմ ունեցել․ այդ հրապարակումը ծայրից ծայր սուտ է։ Ես դիմել եմ  դատարան, որպեսզի ինձ ընտրողները համոզվեն դրանում։ Ես առաջին անգամ այդտեղից եմ իմացել, որ 033 կոդով հեռախոսահամար գոյություն ունի․ ես նման հեռախոսահամար չունեմ»։