ԱԺ-ն արտահերթ նստաշրջան կգումարի

Հայաստանի կառավարությունն իր այսօրվա ՝հուլիսի 4-ի նիստում որոշում կայացրեց առաջարկել Ազգային ժողովի նախագահին  հուլիսի 9-ին ժամը 10:00-ին գումարել ՀՀ Ազգային ժողովի արտահերթ նստաշրջան:

Օրակարգում ընդգրկված է 12 հարց: Դրանց թվում են մասնավորապես, հետեւյալ հարցերը.

- «Սնանկության մասին» ՀՀ փոփոխություններ և լրացումներ կատարելու մասին»,

- «Հայաստանի Հանրապետության քրեական օրենսգրքում փոփոխություններ կատարելու մասին»,

- «Կառավարության կառուցվածքի և գործունեության մասին» ՀՀ օրենքում փոփոխություն և լրացում կատարելու մասին»

«Մարդու իրավունքների եվրոպական դատարանում Հայաստանի Հանրապետության ներկայացուցչի մասին»

«Քրեական օրենսգրքում լրացում կատարելու մասին»,

«Պետական գույքի մասնավորեցման 2017-2020 թվականների ծրագրի կատարման 2018 թվականի տարեկան հաշվետվությունը հաստատելու մասին»

«Պետական տուրքի մասին» ՀՀ օրենքում փոփոխություններ կատարելու մասին նախագծերը: