ԱԺ-ում վարչապետի ելույթով  և քննարկումներին մասնակցելու հանգամանքով պայմանավորված,  կառավարության այսօրվա նիստը  սկսվել է  սովորականից երեք ժամ ուշ:   Գործադիրը  սկսզբում քննարկել և հաստատել է    «Սեզոնային զբաղվածության խթանման  միջոցով  գյուղացիական տնտեսությունների աջակցության 2019 թվականի ծրագիրը»:  Կառավարությունն այս տարի շուրջ 640 միլիոն դրամ կհատկացնի ծրագրի համար:  Դրանում  ներգրավված կլինեն մոտ 2400 հողօգտագործողներ:  Աշխատանքների դիմաց օրավարձը կկազմի 4 հազար դրամ:  

Հիշեցնենք, որ այս ծրագրում  կներգրավվեն  մինչև 3 հա սեփական հողատարածք ունեցող, կամ այն վարձակալությամբ օգտագործող   անձինք, ովքեր որպես աշխատանք փնտրող, հաշվառված են զբաղվածության տարածքային կենտրոններում: