Արարատի մարզում կանայք վիճել են ու ծեծի ենթարկել հղիին

Այս գիշեր արտառոց դեպք է տեղի ունեցել Արարատի մարզի Արարատ քաղաքում: Sputnik Արմենիայի տեղեկություններով` Աբովյան փողոցի հանրակացարաններից մեկի մի քանի բնակիչ միմյանց հետ վիճել են: Վիճողները կանայք են, ընդ որում՝ նրանցից մեկը 21 տարեկան է և հղի: Լրատվականը նշում է, որ ըստ որոշ տեղեկությունների՝ վեճի ժամանակ հղիի մազերից բռնել է 19-ամյա մի աղջիկ և ձեռքով խփել նրա փորին: Այդ ընթացքում հղիին հարվածած աղջկա մայրն էլ փայտով է մի քանի անգամ հարվածել հղիին: Հարևանները ձայների վրա եկել են ու հանդարտեցրել նրանց: Բարեբախտաբար, հղիի վիճակը լավ է։