Ավտովթար Լոռու մարզում. բախվել են BMW-ն ու УАЗ-ը

Երեկ՝ մայիսի 7-ին, խոշոր ավտովթար է տեղի ունեցել Լոռու մարզում: Ժամը 19:00-ի սահմաններում Տաշիր քաղաքի Բաղրամյան փողոցում բախվել են BMW մակնիշի 91 PQ 991 համարանիշի եւ УАЗ մակնիշի 35 GS 194 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետեւանքով, ըստ նախնական տեղեկությունների, բարեբախտաբար, զոհեր եւ վիրավորներ չկան: Դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի ծառայողները՝ վաշտի հրամանատար Սմբատ Նորեկյանի եւ դասակի հրամանատար Գարիկ Մարտիրոսյանի գլխավորությամբ: Ոստիկանությունը պարզում է վարորդների ինքնությունը: