ArmDaily. am-ի տեղեկություններով՝ վարչապետ Նիկոլ Փաշինյանը խիստ զրույց է ունեցել ՊՎԾ պետի պաշտոնակատար Արգիշտի Քյարամյանի հետ։ Ավելի վաղ, խոսելով իր ունեցվածքի մասին՝ Քյարամյանը ասել էր, որ հաշվետու չէ իր ունեցվածքի հարցում, այնուհետեւ սրբագրել իրեն՝ նշելով, թե իր քեռին է նվիրել այդ գումարները: Վարչապետը լրագրողների հետ զրույցում ասել էր, որ Քյարամյանը սխալ է ասել, ՊՎԾ պետի պաշտոնակատարը պետք է հաշվետու լինի քաղաքացիներին, ապա խոստացել պարզել ամեն ինչ։ Լրատվամիջոցը պարզել է, որ Փաշինյանը ՊՎԾ պաշտոնակատարին ասել է, որ յուրաքանչյուր պաշտոնյա պետք է հաշվետու լինի, իսկ իր ներկայացրած պարզաբանումը ընդհանրապես համոզիչ էր։ Չի բացառվում, որ ՊՎԾ պետի պաշտոնակատարը ավելի «համոզիչ» պարզաբանմամբ հանդես գա։ Ի դեպ, ըստ լրատվամիջոցի, առաջիկայում Մայր Աթոռը եւս հնարավոր է պարզաբանմամբ հանդես գա, թե ինչպես է Կոտայքի թեմի կուսակրոն առաջնորդ Առաքել եպիսկոպոսը (անձնագրային անունը՝ Էլբեկ Քյարամյան) զավակ ունեցել։ Թեեւ հոգեւորականը պնդում է, որ Արգիշտի Քյարամյանը իր հորեղբոր որդին է, սակայն փաստերն հակառակն են ապացուցում, Հայաստանում մեկ Էլբեկ Քյարամյան կա, ով Արգիշտիի հայրն է։