«Քաղաքացու որոշում» կուսակցությունը հաղորդագրություն է ուղարկել լրատվամիջոցներին այն մասին, որ կուսակցության գործադիր մարմնի քարտուղար Սուրեն Սահակյանը դիմում է ներկայացրել ԱԺ նախագահ Արարատ Միրզոյանին և ՀՀ Գլխավոր դատախազ Արթուր Դավթյանին․ «Սույն թվականի ապրիլի 19-ին «Պետական տուրքի մասին ՀՀ օրենքում լրացուներ կատարելու մասին» օրենքի նախագծի քննարկման ժամանակ ԱԺ նիստերի դահլիճում և դրանից դուրս լրագրողների հետ շփումներում հնչեցրած հայտարարությունների հետ կապված քրեական հետապնդում հարուցելու և պատգամավորական մանդատից զրկելու գործընթաց սկսելու հարցով՝ հաշվի առնելով պատգամավորի ձեռնարկատիրական գործունեությամբ զբաղվելու արգելքը»։ Խոսքը Գագիկ Ծառուկյանի մասին է՝ կից գրություններում ՔՈ-ն ներկայացրել է հատվածներ Ծառուկյանի հարցազրույցներից, որտեղ խոսում է իր բիզնեսի մասին։ Հիշեցնենք, որ ըստ Hraparak. am-ի, այսօր, ժամը 4-ին Ազգային ժողովում կայանալու է «Իմ քայլը» խմբակցության փակ նիստ։ Լրատվամիջոցը գրում է, որ քննարկման հիմնական առարկան լինելու է ԲՀԿ խմբակցությունը, մասնավորապես՝ Սերգեյ Բագրատյանի միջադեպը Վայոց Ձորում, որի առնչությամբ դատախազության հանձնարարությամբ նյութեր են նախապատրաստվում, ինչպես նաեւ «Քաղաքացու որոշում» կուսակցության դիմումը ԱԺ նախագահին եւ գլխավոր դատախազին՝ Գագիկ Ծառուկյանի նկատմամբ քրեական գործ հարուցելու պահանջով։