Դավիթ Սանասրայանը պատրաստվում է դիմել ՄԻՊ-ին
Այսօր ԱԺ-ում լրագրողների հետ զրույցում Մարդու իրավունքների պաշտպան Արման Թաթոյանը նշեց, որ մեղադրանք առաջադրելուց անմիջապես հետո իր նախաձեռնությամբ հանդիպել է Դավիթ Սանասարյանի հետ.
«Ես խոսել եմ Դավիթ Սանասարյանի հետ, նրա փաստաբանի հետ և գիտեմ, որ պատրաստվում են ինձ բողոք ներկայացնել: Երբ բողոք ներկայացնեն, ըստ այդմ, կնայենք ու կխոսենք»:
Դիտարկմանը, որ ԱԱԾ տնօրեն Արթուր Վանեցյանը հայտարարել է, որ այդ գործը կգնա դատարան, իրավունք ունե՞ր նա նման համոզմունք հայտնել, Թաթոյանը հստակ պատասխան չտվեց, միայն նշելով. «Ես նշեցի, որ ես այսպես, թե այնպես պրոցես սկսելու եմ, բայց պայմանավորվածություն եղավ, որ երբ բողոք լինի, պաշտպանն ավելի հստակ կարող է ներկայացնել իր պահանջը, ես էլ հետագայում հստակ կիմանամ իմ գործողությունները»:
