ՀՀ վերաքննիչ քրեական դատարանում ավարտվեց «Սպայկա» ընկերության սեփականատեր և տնօրեն Դավիթ Ղազարյանի պաշտպանների բողոքի քննությունը ընդհանուր իրավասության դատարանի որոշման դեմ: Ինչպես հաղորդում է SHANTNEWS. am-ի թղթակիցը, Դավիթ Ղազարյանը ևս մասնակցում էր նիստին: Նախորդ նիստին Ղազարյանի պաշտպանները բողոքը ներկայացրել էին մասամբ: Այսօր` մինչև ընդմիջումը, նրանք շարունակել են ներկայացնել բողոքի հիմնավորումները։ Պաշտպանները միջնորդել են կալանքը փոխել գրավով, որի չափն առայժմ չեն նշում։ Նշենք, որ դատարանի վճիռը հայտնի կդառնա վաղը: