Արամ Մանուկյանը Վանեցյանի մասին աղմկոտ գրառումներ անելուց հետո չի գնացել աշխատանքի. Factor am

Երևանի Աջափնյակ վարչական շրջանի ղեկավարի տեղակալ Արամ Մանուկյանը կրկին հայտնվել է քննարկումների կենտրոնում: Նա երեկ գիշեր մի քանի րոպեն մեկ պարբերականությամբ գրառումներ էր կատարել ԱԱԾ տնօրեն Արթուր Վանեցյանի մասին: Քիչ առաջ, որոշ լրատվամիջոցներ տեղեկություն հրապարակեցին, որ Արամ Մանուկյանն ազատվելու է աշխատանքից: Նրա հետ մեզ կապ հաստատել չհաջողվեց, քանի որ թաղապետի տեղակալը աղմկոտ գրառումներից հետո ֆեյսբուքի էջը ջնջել է, իսկ հեռախոսահամարն էլ անհասանելի է դարձրել: Աջափնյակ վարչական շրջանի ղեկավար Գևորգ Բաբայանը Factor. am-ի հետ զրույցում հերքեց տեղեկությունները, որ իր` աղմկահարույց գրառումներով սոցցաներում ուշադրության կենտրոնում հայտնված տեղակալ Արամ Մանուկյանն ազատվել է աշխատանքից: Միաժամանակ տեղեկացրեց, որ այսօր աշխատանքի չի գնացել: