![ՏԵՍԱՆՅՈՒԹ․ Հայկ Մարությանը վարչապետի հրավերով ժամանեց կառավարություն](https://auroranews.am/storage/img/base_image/old/449ca017c697e339bb4125748f298996.webp)
ՏԵՍԱՆՅՈՒԹ․ Հայկ Մարությանը վարչապետի հրավերով ժամանեց կառավարություն
![ՏԵՍԱՆՅՈՒԹ․ Հայկ Մարությանը վարչապետի հրավերով ժամանեց կառավարություն](https://auroranews.am/storage/img/base_image/old/449ca017c697e339bb4125748f298996.webp)
Երեւանի քաղաքապետ Հայկ Մարությանը վարչապետ Նիկոլ Փաշինյանի հրավերով ժամանեց կառավարություն՝ պարզաբանելու աղբահանության երկրորդ օպերատորի վերաբերյալ հարցը:
Քաղաքապետն ասաց, որ աղբահանության հարցով սկզբնական շրջանում «Սանիթեք»-ի աշխատանքը նորմալ էր, սակայն սխալ աշխատանքը բերեց այն վիճակին, որն այսօր առկա է, իսկ սկզբնական շրջանում աշխատանքները նորմալ էին, քանի որ տեխնիկական խնդիրներ էլ չկային, մեքենաները լավ էին աշխատում, նոր էին․ «Մենք բազմիցս իրենց զգուշացրել ենք, որ այն վիճակում, որ ձեր մեքենաներն են գտնվում, այդպես շարունակվել չի կարող, եթե մեկ կամ երկու մեքենա փչանում է, այդ վարչական շրջանում, որտեղ այդ մեքենան պետք է սպասարկի, խնդիր է առաջանում։ Մենք զգուշացրինք, որ պետք է լուծել այս հարցերը, իրենք էլ ասացին, որ հնարավորություն չունեն, ֆինանսական շատ վատ վիճակում են, մենք մրցույթի հանեցինք 24 աղբատար մեքենա, որը պետք է ձեռք բերեր Երեւան քաղաքը»։