Փաշինյանն ու Ալիևը` կայացած հանդիպման մասին
Վիեննայում ավարտվեց Լեռնային Ղարաբաղի հակամարտության կարգավորման հարցով Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հանդիպումը։
Նշվում է, որ երկու երկրների նախագահները զերծ են մնացել դրա վերաբերյալ մեկնաբանություններից, սակայն այնուամենայնիվ Փաշինյանը մեքենա նստելիս ռուսական ՏԱՍՍ-ին ասել է, որ հանդիպումը նորմալ է անցել, իսկ Ալիևը կոչ է արել սպասել Մինսկի խմբի համանախագահների հայտարարությանը: Նա մասնավորապես ասել է, որ համանախագահներն ամեն ինչ կասեն:
Տեղում աշխատող լրագրող Թաթուլ Հակոբյանը հայտնել է, որ հայկական կողմից ներկա է եղել 4, իսկ ադրբեջանական կողմից 1 լրատվամիջոց:
Baghramyan 26 թելեգրամ-ալիքը գրում է, որ հանդիպումից հետո առաջինը դուրս է եկել Նիկոլ Փաշինյանը: Նա հավաքվածների հետ մի քանի սելֆի անելուց հետո հեռացել է: Հանդիպման վերջում հեռացել է նաև Ադրբեջանի նախագահը, սակայն ինչպես նշում է թելեգրամ-ալիքը, սպասողներ չեն եղել: Նա Լրագրողների հարցերին չի պատասխանել: Փաշինյան-Ալիեւ հանդիպումը տեւել է 3,5 ժամ:
