Իրանում ջրհեղեղների հետևանքով զոհերի թիվը հասել է 25-ի, կա 200 վիրավոր

Իրանում ջրհեղեղների հետևանքով առնվազն 25 մարդ է զոհվել, ավելի քան 200 վիրավոր կա, տասնյակ հազարավոր մարդիկ տարահանվել են: Հայտնում է Tasnim գործակալությունը: Նախօրեին իրանական Կարմիր մահիկի փրկության և օգնության կազմակերպության ղեկավար Մորթեզա Սալիմին ISNA գործակալությանը հայտնել էր երկրի մի շարք նահանգներում, այդ թվում՝ Ֆարսում, Քերմանշահի, Լուրեստանի, Կոհգիլուեի և Բոյերահմեդի, Խուզիստանի նահանգներում, հեղեղումներից 23 զոհվածների մասին: Տարերքը վնասներ է պատճառել նաև Իրանի հյուսիսում՝ Գոլեստանի և Մազանդարանի նահանգներում: Իրանի նախագահ Հասան Ռոհանին խոստացել է փոխհատուցել քաղաքացիների կրած վնասները: Հայաստանի վարչապետ Նիկոլ Փաշինյանը ցավակցական հեռագիր է հղել Հասան Ռոհանին, ինչպես նաև առաջարկել Հայաստանի օգնությունը: