Ալիևը գոհ է ԵԱՀԿ Մինսկի խմբի վերջին հայտարարությունից․ մանրամասներ
Ադրբեջանի նախագահ Իլհամ Ալիևը ընդունել է երկրում ԱՄՆ նորանշանակ արտակարգ և լիազոր դեսպան Էրլ Լիտենբերգերի հավատարմագրերը. այս մասին հաղորդում է «Թրենդ» գործակալությունը:
Հանդիպման ժամանակ քննարկվել են նաև ղարաբաղյան հակամարտության կարգավորման հետ կապված մի շարք հարցեր: Ալիևը ուշադրություն է հրավիրել հակամարտության կարգավորման Ադրբեջանի դիրքորոշման վրա, որը, ըստ նրա. «հիմնված է միջազգային իրավունքի և նորմերի ու արդարադատության վրա»:
«Թրենդ» գործակալության տարածած հաղորդագրության համաձայն Ալիևն իր կարծիքն է հայտնել ԵԱՀԿ Մինսկի խմբի համանախագահների վերջերս տարածած հայտարարության առնչությամբ՝ ասելով հետևյալը. «Ադրբեջանական կողմը դրական է համարում ԵԱՀԿ Մինսկի խմբի համանախագահների վերջին հայտարարությունը, նաև նրանց տեսակետները, որոնք վերաբերում են բանակցությունների ձևաչափի փոփոխման անհնարինությանը»:
