Այսօր ԱԺ-ում կառավարության ծրագրի քննարկման ժամանակ ՀՀ վարչապետ Նիկոլ Փաշինյանն իր ելույթում անդրադարձավ ընդդիմադիր պատգամավորների ելույթներին: Վարչապետ Փաշինյանը բավական վրդովված ասաց հետևյալը. «Ասում են՝ հեղափոխություն չի եղել, հլը մի հատ դեմներդ ու կողքերդ նայեք: Եթե հեղափոխություն չի եղել, դուք 18 հոգով ի՞նչ գործ ունեք ստեղ նստած: Ձեզ համար, իհարկե, հեղափոխություն չի եղել, որովհետև առաջ որտեղ ստեղծվում էր ձեր քաղաքական բովանդակությունը, հիմա նույն տեղում էլ հիմա է ստեղծվում: Իհարկե չի եղել: Խոսում եք անկախ արտաքին քաղաքականության, Հայաստանի ինքնության մասին, ու ձեր հիմնարկի դիմաց տնկում եք Հայաստանի, Միացյալ նախանգների և Եվրամիության դրոշը: Մեզ էլ խորհուրդ եք տալիս, որ պետք ա արտաքին քաղաքականությունը հավասարակշռել: Բա Ռուսաստանի դրոշը խի՞ չեք կախել, էլ չեմ ասում Վատիկանի դրոշը… Մենք չենք եկել մեր ժողովրդին խաբելու, չենք պատրաստվում մեր ժողովրդին խաբել: Սա է հին մտածողությունը, որ՝ «ժողովուրդ ջան, դուք չեք կարող բիզնես անել, ՀԴՄ մի պահանջեք, աշխատելու մասին մի մտածեք, հանգիստ պառկեք ձեր «դիվաններին», կգա ընտրությունը՝ բրինձը կբերենք, ձեթը կբերենք, «պեսոկը» կբերենք, 5000 դրամ էլ վրից կտանք, քեֆ արե՛ք, ժողովուրդ ջան… Էս ա կյանքը: Թե չէ, եկել ա, ասում ա՝ պետք ա աշխատել… Էս ինչ ա կատարվում… Բա մենք սրա՞ համար էինք հեղափոխություն անում»: Հիմա էլ ասում են՝ թվեր չկան: Այնտեղ, որտեղ թվեր կան, ասում են՝ էս ի՞նչ թվեր եք գրել… Մի տարի առաջ էլ ասում էին, թե Հայաստանում բռնապետական կարգեր են հաստատվում, անձի պաշտամունք… Ո՞ւր է անձի պաշտամունքը: Ո՞ւր է բռնապետական համակարգը… »: