«Մուլտի Վելնես»-ի տնօրեն․ ընկերությունը լուծարված չէ, իսկ համալիրի վերաբացման մասին տեղեկություն չունեմ. Սպուտնիկ Արմենիա

«Մուլտի Վելնես» ՍՊԸ-ն լուծարված չէ, և համալիրի վերաբացման վերաբերյալ որևէ պաշտոնական որոշում դեռ չունենք։ Այս մասին ArmeniaSputnik-ին հայտնել է «Մուլտի Վելնես» համալիրի գլխավոր տնօրեն Արման Փիրոյանը։

«Ես քաղաքապետի որևէ ասածից տեղյակ չեմ, իրենք ինչ ուզում անում են։ Իմ «Մուտլի Վելնես» ՍՊԸ–ն լուծարված չէ, իսկ իրենք ինչ–որ նոր բան են բացել։ Ես դեռ քննիչից էլ որևէ թուղթ, որոշում չունեմ, որ կարող ենք գնալ, դռները բացել»,- ասել է Փիրոյանը։

Նա նշել է, որ սպասում է քննիչի որոշմանը։ Տնօրենը նաև հայտնել է, որ տեղեկություն չունի՝ արդյոք համալիրի աշխատակիցները վերադարձել են աշխատանքի, թե ոչ։

Հիշեցնենք, որ ավելի վաղ Երևանի քաղաքապետ Տիգրան Ավինյանը տեսաուղերձ էր հրապարակել՝ հայտնելով, որ նախկին «Մուլտի Վելնես» ակումբը հուլիսի 31-ին վերաբացվել է նոր անվան ներքո։

Ավինյանը նշել էր, որ համալիրն այսուհետ կգործի նոր ձևաչափով։