Թրամփը փոխել է վերաբերմունքը Զելենսկու նկատմամբ. WSJ

WSJ-ի փոխանցմամբ՝ միջազգային գագաթնաժողովներում կայացած հանդիպումները, ռազմաճակատում գրանցված հաջողությունները, Ռուսաստանի տարածքին հասցվող հարվածների արդյունավետությունն ու անօդաչու տեխնոլոգիաների զարգացումը նպաստել են, որ Թրամփն ավելի բարեհաճ վերաբերվի Զելենսկուն։

Լրատվամիջոցը նշում է, որ Թրամփի տեսակետի փոփոխության վրա ազդել են նաև ուկրաինացի բռնցքամարտիկ Ալեքսանդր Ուսիկի հետ զրույցները, ով իր հայրենակիցներին ներկայացրել է որպես «մարտիկներ և հաղթողներ»։ Բացի այդ, իր դիրքորոշումն է վերանայել աջակողմյան ակտիվիստ Լորա Լումերը՝ Կիև կատարած այցից հետո։ Ըստ վարչակազմի ներկայացուցչի՝ Թրամփը «սիրում է հաղթողներին», և այժմ Զելենսկուն առավել հաճախ է տեսնում այդ դերում։