Իրանի և ԱՄՆ-ի փոխադարձ հարվածների ֆոնին նավթի գներն աճել են

Իրանի Իսլամական հեղափոխության պահապանների կորպուսը հայտարարել է, որ հարվածներ է հասցրել Մերձավոր Արևելքում տեղակայված ամերիկյան մի շարք ռազմաբազաների օբյեկտներին։ 

Մասնավորապես, հաղորդվում է Հորդանանում գտնվող ամերիկյան ավիաբազայի հրթիռային պահեստների, Բահրեյնում ԱՄՆ ռազմաբազայի օբյեկտների, ինչպես նաև Քուվեյթում ամերիկյան ռազմաբազաներում «Պատրիոտ» հակաօդային պաշտպանության համակարգերի և FPS ռադիոլոկացիոն կայանների խոցման մասին։

Միաժամանակ, ըստ իրանական IRNA գործակալության, ԱՄՆ-ն հարվածներ է հասցրել Իրանի տարածքում գտնվող մի շարք օբյեկտների, ինչպես նաև Օրմուզի նեղուցում գտնվող Քեշմ կղզուն։ Հաղորդվում է, որ Խուզեստան նահանգում պոմպակայանի վրա հասցված հարվածի հետևանքով զոհվել է մեկ մարդ, ևս չորսը վիրավորվել են։ Այլ մանրամասներ գործակալությունը չի ներկայացրել։

Իրանի և ԱՄՆ-ի միջև փոխադարձ հարվածների ֆոնին աճել են նաև նավթի համաշխարհային գները։ Brent տեսակի նավթի գինը բարձրացել է ավելի քան 3 տոկոսով՝ գերազանցելով մեկ բարելի դիմաց 78 ԱՄՆ դոլարը։