18:00 Լուրերը մեկ տողով. ֆուտբոլիստի մահ. Թուրքիայի ակնկալիքը ԱՄՆ-ից

Անցած ժամվա լուրերը՝ հակիրճ և բովանդակային.

•Հայաստանի և ՅՈՒՆԵՍԿՕ-ի ներկայացուցիչները Ֆրանսիայում քննարկել են կրթական ոլորտում համագործակցությունն ու աշնանը Երևանում կայանալիք COP17 համաժողովը:

•Մերձբալթյան երկրները համատեղ հայտարարությամբ հերքել են Ուկրաինային սեփական օդային տարածքը տրամադրելու մասին ռուսական կողմի լուրերը:

•Ռուսական զորքերը հրթիռային հարված են հասցրել Օդեսայի քաղաքացիական ենթակառուցվածքներին, ինչի հետևանքով կան զոհեր և վիրավոր:

•ԱՄՆ նախագահի հատուկ պատվիրակի և Սպիտակ տան ներկայացուցչի պլանավորված պաշտոնական այցը Մոսկվա դեռևս ուժի մեջ է:

•Թուրքիան շարունակում է բանակցությունները ԱՄՆ-ի հետ՝ ռազմական պատժամիջոցները չեղարկելու և F-35 կործանիչների ծրագիր վերադառնալու համար:

•Սոցիոլոգիական նոր հարցման համաձայն՝ Գերմանիայի կանցլերի և կառավարության աշխատանքից գոհ է երկրի բնակչության միայն փոքր հատվածը:

•Գերմանիայում երկաթուղային մալուխների հրդեհի պատճառով դադարեցվել է գնացքների երթևեկությունը, իսկ իրավապահները չեն բացառում դիվերսիան:

•Աշխարհի առաջնության ընթացքում անժամանակ մահացել է Հարավաֆրիկյան Հանրապետության ազգային հավաքականի 25-ամյա ֆուտբոլիստը: