Ուկրաինայի ԱԳ նախարարը Ռադայում մտահոգիչ հայտարարություն է արել

Արտերկրում արդեն գտնվում է շուրջ ութ միլիոն ուկրաինացի, և ոչ բոլոր երկրներն են ցանկանում նրանց վերադարձը հայրենիք, Ռադայում հայտարարել է արտաքին գործերի նախարար Անդրեյ Սիբիգան։

Նա հավելել է, որ Կիևը նպատակ է դնում վերադարձնել այդ մարդկանց՝ դրա համար պայմաններ ստեղծելով։

«Մենք տեսնում ենք, որ ոչ բոլոր երկրներն են շահագրգռված ուկրաինացիների վերադարձով՝ հաշվի առնելով նրանց ավանդը տնտեսությունների զարգացման մեջ, հաշվի առնելով նրանց որակավորման մակարդակը, հարմարվողականությունը։ Մեզ անհրաժեշտ կլինի պայքարել մեր մարդկանց համար»,- նրա խոսքերն է մեջբերում «Страна.ua» հրատարակությունը։