Սամվել Կարապետյանը ФСБ-ի աշխատակից է. փաստաթուղթ է հրապարակվել. The Insider

Insider պարբերականը աղմկահարույց հոդված է հրապարակել Հայաստանում սպասվող խորհրդարանական ընտրությունների մասին: Պարբերականը գրում է. Այս տարվա ապրիլին Նիկոլ Փաշինյանի՝ Մոսկվա կատարած այցի ընթացքում նրա և Պուտինի միջև բանավեճ է տեղի ունեցել։ Պուտինը խոսել է այն մասին, որ պետք է թույլ տալ ռուսամետ ուժերին մասնակցել ընտրություններին։ Ինչին Փաշինյանը հակադարձել է, որ Հայաստանի Սահմանադրությունը թույլ չի տալիս այլ երկրների քաղաքացիների մասնակցությունը խորհրդարանական ընտրություններին, և առավել ևս՝ օտարերկրյա անձնագիր ունեցողի նշանակումը վարչապետի պաշտոնում։ Պուտինը ազգանուն չի տվել, բայց բոլորը հասկանում էին, որ խոսքը միլիարդատեր Սամվել Կարապետյանի մասին էր, ով հիմնադրել է «Ուժեղ Հայաստան» նախընտրական դաշինքը և հաղթանակի դեպքում մտադիր է զբաղեցնել վարչապետի պաշտոնը։

Ճիշտ է, այժմ նա ձերբակալված է իշխանությունը զավթելու հրապարակային կոչերի և փողերի լվացման համար։ Կարապետյանը ծնվել է 1965 թվականին հայկական Տաշիր քաղաքում և բիզնեսում իր ուղին սկսել է էմալապատ սպասքի վաճառքից։ 1990-ականների սկզբին նա տեղափոխվել է Կալուգա և ընդունել Ռուսաստանի քաղաքացիություն։ «Տաշիր» բրենդի ներքո քաղաքում հայտնվեցին խանութներ, ռեստորաններ, առևտրի կենտրոններ և աղյուսի գործարան։ Այնուհետև նա տեղափոխվել է Մոսկվա և ժամանակի ընթացքում մտել մայրաքաղաքի խոշորագույն կառուցապատողների և դեվելոպերների առաջին տասնյակի մեջ։ Բացի այդ, «Տաշիրը» համարվում է «Գազպրոմի» խոշոր կապալառու, իսկ ինքը՝ Կարապետյանը, տիրապետում է «Ֆորա Բանկի» բաժնետոմսերի 71,29 տոկոսին (2024 թվականի նոյեմբերին ԱՄՆ ֆինանսների նախարարությունը բանկը ներառել է պատժամիջոցների ցուցակում)։

Այսօրվա դրությամբ Կարապետյանի անձնական կարողությունը գնահատվում է 4,1 միլիարդ դոլար, և նա խոստացել է մի քանի միլիոն ներդնել «Ուժեղ Հայաստանի» գովազդման և առաջխաղացման համար։ Անցյալ տարվա հունիսին վարչապետ Փաշինյանը պահանջեց Հայ առաքելական եկեղեցու (ՀԱԵ) առաջնորդ Գարեգին Երկրորդի հրաժարականը, երբ լուրեր տարածվեցին, թե նա իբր երեխա ունի, ինչը խախտում է կուսակրոնության ուխտը։ Ի պաշտպանություն կաթողիկոսի կտրուկ հանդես եկավ Կարապետյանը և խոստացավ բոլոր ուժերով պայքարել «անաստված» իշխանության դեմ։ Շուտով միլիարդատիրոջ տանը խուզարկություններ տեղի ունեցան, իսկ ինքը ձերբակալվեց։ «Սամվելը երբեք չի խառնվել քաղաքականությանը, նրա գործը պաշտոնյաների ու ուժայինների հետ կապեր հաստատելն ու փող աշխատելն է։ Թեև նա երբեք չի մերժել Կրեմլի նուրբ ֆինանսական խնդրանքները։ Ըստ երևույթին, նրան լավ ճնշել են և ստիպել ստեղծել «Ուժեղ Հայաստան» դաշինքը՝ ի հակակշիռ Փաշինյանի»,- «Դը Ինսայդեր»-ին պատմել է միլիարդատիրոջ մոտ շրջապատին ծանոթ զրուցակիցը։ 1999 թվականին Կարապետյանը Կալուգայում արտասահմանյան անձնագիր է ստացել, և, համաձայն համացանցում հայտնված տվյալների բազաների, նրա անձնագրային գործում «աշխատավայր» սյունակում առկա է Ներքին գործերի նախարարության կողմից դրված նշում՝ «ՖՍԲ-ի տեղեկատվական կենտրոն»։ Այս նշումը նշանակում է, որ քաղաքացուն ստուգելու դեպքում անհրաժեշտ է նախ դիմել Անվտանգության դաշնային ծառայություն (ՖՍԲ)։ Ինչպես խմբագրությանը բացատրել է ՆԳՆ օպերատիվ աշխատակիցը, սովորաբար այդպես նշում են ՖՍԲ-ի վերահսկողության տակ աշխատող օտարերկրացիներին կամ գաղտնի իրազեկիչներին։

Գումարները Երևան էին գալիս Ստարայա պլոշչադիի հատուկ հիմնադրամից, սակայն, ամենայն հավանականությամբ, «Ծառուկյան դաշինքի» համար նախատեսված միջոցները յուրացվել են հենց նախագահի աշխատակազմում, քանի որ նա ինքն էլ ի վիճակի է վճարել իր նախընտրական արշավի համար։