ԱՄՆ պետքարտուղարի հագուստը դարձել է սոցցանցերի գլխավոր թեման

ԱՄՆ պետքարտուղար Մարկո Ռուբիոն Պեկին է ժամանել ոչ պաշտոնական հագուստով, ինչը արժանացել է լրատվամիջոցների և քաղաքական մեկնաբանների ուշադրությանը։ Օդանավակայանում բարձրաստիճան դիվանագետը ներկայացել է Nike Tech ապրանքանիշի սպորտային համազգեստով, որն իր արտաքին տեսքով հիշեցնում է Վենեսուելայի նախագահ Նիկոլաս Մադուրոյի կողմից նախկինում կրած հագուստը։

Սպիտակ տան հաղորդակցության հարցերով տնօրեն Ստիվեն Չենգը, մեկնաբանելով պետքարտուղարի հագուստը կատակով անվանել է «Nike Tech Venezuela»։ Այս ձևակերպումը ակնարկում է Ռուբիոյի և Վենեսուելայի առաջնորդի հանդերձանքների միջև եղած տեսողական նմանությունը, ինչը համացանցում քննարկումների առիթ է դարձել։

Չնայած արտաքին նմանությանը, պաշտոնական շրջանակները շեշտում են, որ սա սոսկ ոճային զուգադիպություն է։ Ռուբիոյի այցը Չինաստան ունի կարևոր քաղաքական նշանակություն, սակայն նմանատիպ դետալները հաճախ հայտնվում են հանրային ուշադրության կենտրոնում՝ դառնալով դիվանագիտական էթիկետի և անձնական ոճի քննարկման առարկա։