24 տարվա մեջ առաջին անգամ. Զելենսկիի գրառումը Երևան ժամանելուց հետո

Ուկրաինայի նախագահ Վլադիմիր Զելենսկին Telegram-ի իր էջում անդրադարձել է Երևան կատարած այցին և Եվրոպական քաղաքական համայնքի գագաթնաժողովին մասնակցելուն։

Ուկրաինայի առաջնորդի պնդմամբ՝ սա վերջին 24 տարվա ընթացքում իրականացված առաջին այցն է, ինչն ընդգծում է դրա խորհրդանշական բնույթը։ Զելենսկին փաստել է, որ այս ժամանակահատվածում թե՛ Ուկրաինայում, թե՛ Հայաստանում նոր սերունդ է մեծացել, սակայն, չնայած տևական դադարին, այցն ինքնին ունի քաղաքական կարևոր նշանակություն։

Նախագահը նաև շեշտել է, որ իր ժամանումը Երևան տեղի է ունեցել Եվրոպական քաղաքական համայնքի գագաթնաժողովի շրջանակում, որին մասնակցում են միջազգային և եվրոպացի բազմաթիվ առաջնորդներ։ Ըստ Զելենսկու՝ այս հանգամանքը մեծացնում է իրադարձության կշիռը՝ ստեղծելով միջազգային երկխոսության լրացուցիչ հարթակ։