ԱՄՆ-ում մահապատիժների թիվը կրկնապատկվել է
2025 թվականին Միացյալ Նահանգներում մահապատժի իրականացումների թիվը կտրուկ աճել է՝ գրեթե երկու անգամ գերազանցելով նախորդ տարվա ցուցանիշը։
Ոչ առևտրային Death Penalty Information Center կազմակերպության զեկույցի համաձայն՝ 2024 թվականին ԱՄՆ-ում իրականացվել է 25 մահապատիժ, մինչդեռ 2025 թվականին այդ թիվը հասել է 48-ի։ Կազմակերպությունը մասնագիտացած է մահապատժի վերաբերյալ տվյալների հավաքագրման և դրանց հանրայնացման մեջ՝ տրամադրելով տեղեկատվություն ԶԼՄ-ներին և հասարակությանը։
Ուսումնասիրության համաձայն՝ մահապատիժների մոտ 40 տոկոսը բաժին է ընկնում Ֆլորիդա նահանգին։ Այստեղ տարվա սկզբից ի վեր արդեն իրականացվել է կամ նախատեսվում է իրականացնել 19 մահապատիժ։ Մնացած դեպքերը գրանցվել են ԱՄՆ-ի ևս 11 նահանգներում։
