Որոշ մարդկանց համար ոչ եկեղեցին է կարևոր, ոչ հավատքը, ոչ էլ ազգային արժեքները. Թունյան

«Քաղաքացիական պայմանագիր» խմբակցության պատգամավոր Բաբկեն Թունյանը ֆեյսբուքում գրել է.

«Փաստորեն, որոշ մարդկանց կարծիքով, սրբազաններին կարելի է քննադատել ու վիրավորել միայն այն բանի համար, որ վարչապետի մասնակցությամբ պատարագ են մատուցել. դա լրիվ նորմալ է, սրբապղծություն չի, եկեղեցու դեմ արշավ չի:

Բայց երբ այլ սրբազանների քննադատում են բիզնեսով զբաղվելու, քաղաքականության մեջ խառնվելու, զինված հեղաշրջման կոչ անելու, հոգևորականին անհարիր վարքագիծ դրսևորելու համար, դա անթույլատրելի է և ուղղված է եկեղեցու դեմ:

Շատ հետաքրքիր մոտեցում է, ինչ խոսք:

Որը ուղղակիորեն ցույց է տալիս, որ որոշ մարդկանց համար ոչ եկեղեցին է կարևոր, ոչ հավատքը, ոչ էլ մեր ազգային արժեքները. իրենք պարզապես օգտագործում են այդ ամենը՝ քաղաքական նպատակներով: