«Պուտինի ցանկությունների ցուցակ». Թրամփի առաջարկը մերժվել է. Politico

Politico-ի տեղեկացմամբ՝ եվրոպացի և ուկրաինացի պաշտոնյաները մերժել են Դոնալդ Թրամփի նոր խաղաղության առաջարկը՝ այն բնորոշելով որպես «Պուտինի ցանկությունների ցուցակ» և ընդգծելով, որ այն անհամաչափորեն նպաստում է Մոսկվային։ Նշվում է, որ եվրոպական մայրաքաղաքներում դժգոհություն է առաջացրել նաև այն հանգամանքը, որ իրենք դուրս են մնացել առաջարկի մշակման գործընթացից։

Ուկրաինայի ԱԳ նախարար Անդրեյ Սիբիգան հայտնել է եվրոպացի գործընկերներին, որ նախաձեռնության պայմանները «ակնհայտորեն թելադրված են Ռուսաստանից» և չեն կարող ապահովել կայուն խաղաղություն։

Politico-ն գրում է, որ եվրոպացի դիվանագետներն ու պաշտոնյաները մտահոգ են Վաշինգտոնի փորձով՝ Կիևին պարտադրելու «վատ գործարք», հատկապես այն փուլում, երբ Ուկրաինան ճնշման տակ է թե՛ ռազմաճակատում, թե՛ ներքին սկանդալների ֆոնին։ Հրատարակության գնահատմամբ՝ առաջարկը լայնորեն ընկալվել է որպես անհաջող և անարդար՝ խորացնելով եվրոպական դժգոհությունը ԱՄՆ քայլերից։