Փաշինյանի՝ Դուշանբեում հնչեցրած ՀՀ-ՌԴ առևտրաշրջանառության թվերը ճիշտ են
Հայաստանի վարչապետ Նիկոլ Փաշինյանի՝ Դուշանբեում հնչեցրած ՀՀ-ՌԴ առևտրաշրջանառության թվերը ճիշտ են: Այս մասին գրել է էկոնոմիկայի նախարար Գևորգ Պապոյանը:
«Վարչապետ Նիկոլ Փաշինյանը հրապարակել է ՀՀ վիճակագրության կոմիտեի հրապարակած թվերը և, հետևաբար, բացարձակ ճիշտ են»,- գրել է Պապոյանը:
Հիշեցնենք՝ ավելի վաղ հայտնել էինք, որ Դուշանբեում կայացած ԱՊՀ գագաթնաժողովի ժամանակ թվերի շուրջ վեճ ծագեց։ ՀՀ վարչապետը 2025 թվականի համար նշեց 4 միլիարդ դոլարի, իսկ անցյալ տարվա համար՝ 9 միլիարդ դոլարի թիվ, սակայն Ռուսաստանի նախագահը վստահորեն պնդեց, որ թվերն ավելի բարձր են:
