«Սպայկա» ընկերության խնդիրները կապված չեն հայ-ռուսական հարաբերությունների հետ. էկոնոմիկայի նախարար
«Սպայկա» ընկերության խնդիրները կապված չեն հայ-ռուսական հարաբերությունների հետ։ Այս մասին հայտարարել է էկոնոմիկայի նախարար Գևորգ Պապոյանը։
«Հայ-ռուսական տնտեսական կապերը զարգանում են բարձր տեմպերով, արտահանումը բարձր մակարդակի վրա է, իսկ տնտեսական մասով Հայաստանը որևէ խոչընդոտ չունի։ Այնպես որ այդ մասով ես այդ հարցի հետ որևէ կերպ չէի պայմանավորի»,- ընդգծել է նախարարը։
Ավելի վաղ ԶԼՄ-ները գրել էին, որ մոտ 150 բեռնատար արգելափակվել է Ռուսաստանում (ընկերությունն արտահանում է թարմ բանջարեղեն և միրգ): Ընկերությունից հայտնել էին, որ 30 բեռնատարի գյուղմթերք արդեն փչացել է, նախնական հաշվարկով` 2 միլիոն դոլարի վնաս են կրել։
