Ռուսաստանում 45 րոպեում հինգ երկրաշարժ է գրանցվել

Կամչատկայում  կրկին գրանցվել է 5.4 մագնիտուդով երկրաշարժ։ Էպիկենտրոնը գտնվել է 34 կմ խորության վրա, հայտնում է Ռուսաստանի գիտությունների ակադեմիայի միասնական երկրաֆիզիկական ծառայության Կամչատկայի մասնաճյուղը, գրում է «ՏԱՍՍ»-ը:

Երկրաշարժը տեղի է ունեցել Պետրոպավլովսկ-Կամչատկայից 165 կմ հարավ-արևելք: 

Ավելի վաղ հաղորդվել էր, որ Կամչատկայում 45 րոպեի ընթացքում տեղի է ունեցել հինգ երկրաշարժ։ Տեղեկատվության համաձայն՝ երկրաշարժերի ուժգնությունը կազմել է 5.3, 5.2, 5.1 և երկու անգամ՝ 4.8 բալ։

Այս պահին ավերածությունների կամ զոհերի մասին տեղեկություններ չկան։