Բագրատ սրբազանի կեցավայրում ձայնագրությունները իրականացվել է սուրճի ապարատի միջոցով. «Հրապարակ»
Բագրատ սրբազանի կեցավայրում գաղտնալսումը և ձայնագրությունները իրականացվել է սուրճի ապարատի միջոցով։ Այս մասին հայտնում է «Հրապարակ» օրաթերթը։
«Պարզվում է՝ Բագրատ սրբազանի կեցավայրում, որտեղ կայացել են նախաձեռնող խմբի հավաքները, սուրճի ապարատ է եղել, որն անցած տարի փչացել է։ Սրբազանի մերձավորներից մեկն այն տարել է արհեստանոց՝ նորոգման։ Այն մասին, որ պետք է սուրճի ապարատը նորոգման տարվի, խոսել են հեռախոսով, և ԱԱԾ աշխատակիցները հեռախոսը լսելով՝ իմացել են, հետևել, և հենց այդ արհեստանոցում էլ սուրճի ապարատի մեջ ժուչոկ է տեղադրվել, որն օրեր շարունակ գաղտնալսելու և ձայնագրելու հնարավորություն է ստեղծել ԱԱԾ-ի համար»,–գրում է լրատվամիջոցը։
Պարզվել է նաև, որ սարքի անխափան աշխատանքի համար հոսանքի անխափան մատակարարում է անհրաժեշտ, իսկ քանի որ սուրճի ապարատը մշտապես միացված է հոսանքին, դա լավագույն ձևն է եղել առանց ուշադրություն հրավիրելու, տևական ժամանակ գաղտնալսելու տարածքը։
Հիշեցնենք` Բագրատ Սրբազանին մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու և իշխանության բռնազավթման հոդվածներով:
