Թրամփը «երդվել» է, որ Ռուսաստանից սպառնալիք չի լինի
ԱՄՆ նախագահ Դոնալդ Թրամփը հայտարարել է, որ Ռուսաստանը չի հարձակվի ՆԱՏՕ-ի երկրների վրա, քանի դեռ ինքը մնում է Սպիտակ տանը։ Այս մասին հաղորդում է The Washington Post թերթը՝ հղում անելով աղբյուրներին։
Ըստ նրանց՝ Հաագայում կայացած ՆԱՏՕ-ի գագաթնաժողովի հիմնական նիստի ժամանակ Թրամփը «երդվել է», որ Ռուսաստանից սպառնալիք չի լինի, ինչպես նաև ողջունել է դաշինքի երկրների ջանքերը՝ ավելացնելու պաշտպանական ծախսերը։
Բացի այդ, թերթի զրուցակիցները նշել են, որ ՆԱՏՕ-ի եվրոպական երկրների ղեկավարները գովաբանել են ամերիկացի առաջնորդին՝ իրենց ռազմական ծախսերը մեծացնելուն դրդելու համար, իսկ որոշները բարձր են գնահատել ԱՄՆ ռազմաօդային ուժերի կողմից Իրանի միջուկային օբյեկտներին հասցված ավիահարվածները։
Հիշեցնենք՝ հունիսի 19-ին, ՏԱՍՍ-ի կողմից աշխարհի առաջատար լրատվական գործակալությունների ղեկավարների հետ կազմակերպված հանդիպման ժամանակ, Ռուսաստանի նախագահ Վլադիմիր Պուտինը անհեթեթություն է անվանել այն պնդումները, որ Ռուսաստանը պատրաստվում է հարձակվել Եվրոպայի և ՆԱՏՕ-ի երկրների վրա։
