Ժիրինովսկու արտասահմանյան անձնագիրը հանվել է աճուրդի. հայտնի է մեկնարկային գինը
Սանկտ Պետերբուրգում աճուրդի է հանվել հանգուցյալ ռուսաստանցի քաղաքական գործիչ Վլադիմիր Ժիրինովսկու արտասահմանյան անձնագիրը, որի մեկնարկային գինը սահմանվել է 100 հազար ռուբլի։ Այս մասին հայտնում է ՏԱՍՍ-ը։
«Ռուսաստանի լիբերալ-դեմոկրատական կուսակցության առաջնորդ Ժիրինովսկու սովետական տիպի արտասահմանյան անձնագիրը՝ իր ինքնագրով և մուտքի թույլտվություններով հանդերձ: ՌԴ սահմանապահ ծառայության նշումները... Լրացված է: Ընդհանուր առմամբ՝ լավ վիճակում», -նշված է աճուրդի գրացանկում։
Փաստաթուղթը Ժիրինովսկուն հինգ տարով տրվել է 1992 թվականի հոկտեմբերի 19-ին։ Հաղորդվում է, որ աճուրդը կանցկացվի ապրիլի 27-ին։
