Դնեպրը ռմբակոծվել է․ կան զոհեր
Ապրիլի 16-ի երեկոյան Ռուսաստանը հարվածել է Դնեպր քաղաքին, հարձակման հետևանքով զոհերի թիվը հասել է երեքի, վիրավորվել է 28 մարդ։ Այս մասին հայտնում է Ուկրաինայի Արտակարգ իրավիճակների պետական ծառայությունը։
«Ռուսները խլել են երեք մարդու կյանք, այդ թվում՝ մեկ երեխայի։ Նախնական գնահատականներով՝ տուժել է 28 մարդ, այդ թվում՝ չորս երեխա»,- ասվում է հաղորդագրության մեջ։
Հաղորդվում է, որ վնասներ են հասցվել տներին, ուսանողական հանրակացարաններին, ուսումնական հաստատությունների և սննդի ձեռնարկությունների շենքերին, ինչպես նաև ավտոմեքենաներին։ Անօդաչու սարքերի հարձակումների պատճառով քաղաքում մի քանի հրդեհ է բռնկվել:
