Մոտ 100 պաղեստինցի բանտարկյալներ ժամանել են Եգիպտոս. ԶԼՄ
Գրեթե 100 պաղեստինցի բանտարկյալներ են ժամանել Եգիպտոս՝ պաղեստինյան ՀԱՄԱՍ շարժման և Իսրայելի միջև գործարքի շրջանակներում, հայտնում է Reuters-ը՝ վկայակոչելով շարժման աղբյուրին։
«Իննսունյոթ պաղեստինցի բանտարկյալներ հանձնվել են Եգիպտոսին»,- գործակալությանը հայտնել է աղբյուրը։
Գործակալության տվյալներով՝ Եգիպտոսը կլինի բանտարկյալների առաջին հանգրվանը, քանի դեռ «այլ երկրները պատրաստ չեն ընդունել նրանց»։
Հունվարի 19-ից Գազայի հատվածում հրադադար է գործում՝ որպես Իսրայելի և պաղեստինյան ՀԱՄԱՍ շարժման միջև ձեռք բերված պայմանավորվածության մաս՝ իսրայելցի պատանդներին ազատ արձակելու՝ իսրայելական բանտերում գտնվող պաղեստինցի բանտարկյալների դիմաց։ Համաձայնագրի երաշխավորներն են Կատարը, Եգիպտոսը և ԱՄՆ-ը, որոնք Կահիրեում համակարգող կենտրոն են ստեղծել։
