Թրամփը աջակցում է Ֆրանսիայի և Մեծ Բրիտանիայի առաջարկած ծրագրերին

ԱՄՆ նախագահ Դոնալդ Թրամփը հայտարարել է, որ Վաշինգտոնն աջակցում է Ուկրաինայում՝ իրենց խաղաղապահներ տեղակայելու Ֆրանսիայի և Մեծ Բրիտանիայի ծրագրերին։

«Ես գիտեմ, որ Բրիտանիան և Ֆրանսիան ասել են, որ ցանկանում են այսպես կոչված խաղաղապահներ ուղարկել Ուկրաինա, և ես կարծում եմ, որ դա լավ գաղափար է»,- ասել է նա լրագրողների ներկայությամբ կառավարության իր առաջին նիստում։

Թրամփն ընդգծել է, որ ԱՄՆ-ը չի ստանձնի Ուկրաինայի անվտանգության ապահովման առաջնային պատասխանատվությունը, այլ այդ խնդիրը կփոխանցի Եվրոպային։

«Մենք դա կվստահենք Եվրոպային, քանի որ Ուկրաինան նրանց հարևանն է»,- հավելել է Սպիտակ տան ղեկավարը։