Փաստաթղթի 2 կետ այդպես էլ մնացին չհամաձայնեցված. Նիկոլ Փաշինյան
«Մենք առաջարկել ենք լուծում հարցին, և հույս ունենք, որ Ադրբեջանը դրական կարձագանքի դրան»,-խորհրդարանում հայտարարեց Նիկոլ Փաշինյանը՝ անդրադառնալով հայ- ադրբեջանական հարաբերությունների կարգավորման գործընթացին։
Նա նշեց, որ խոսքը գնում է մեղրիով երկաթուղային բեռնափոխադրումների մասին։
Նրա խոսքով՝ Խաղաղության պայմանագրում Սահմանադրության փոփոխության և միջանցքի վերաբերյալ հարցերին անդրադարձ չկա:
«Մեր բանակցային պատմությունը վերլուծել ենք և գտել ենք բանաձև, որը լուծում է 2 կողմի բարձրացրած հարցերը։ Ես համոզված եմ, որ Հայաստանի և Ադրբեջանի ժողովուրդների համար մեր առաջարկած լուծումը կլինի 100 տոկոսով ընդունելի»,- հայտարարեց Փաշինյանը։
Պատասխանելով դիտարկմանը, որ ժամանակին Փաշինյանը նույն բանն ասում էր Արցախի վերաբերյալ՝ Փաշինյանն ասաց. «Էն ժամանակ, որ ասում էի պետք է լուծում լինի, որը ընդունելի լինի Հայաստանի ժողովրդի համար, Ղարաբաղի ժողովրդի համար, Ադրբեջանի ժողովրդի համար, ես տեսական թեզ էի առաջ քաշում, որը գործնականացման կարիք ուներ և դրա գործնական բանաձևը չգտնվեց:
Էս դեպքում ինչն է տաբերությունը, որ դրա գործնական բանձևը գտնվել է:
Չհամաձայնեցված երկու հոդվածներից մեկը վերաբերում է սահմանի երկայնքով երրորդ երկրների ուժերի տեղակայմանը և մյուսը՝ միջազգային ատյաններում իրավական և այլ դիվանագիտական վեճերին, բանավեճերին: Խաղաղության պայմանագրում Սահմանադրության փոփոխության և միջանցքի վերաբերյալ հարցերին անդրադարձ չկա»։
Նա նշեց, որ փաստաթղթի երկու կետերը մնում են չհամաձայնեցված՝ խոսքը վերաբերում է Սահմանադրությանը և «միջանցքին» նաև չի հաջողվել համաձայնության հասնել, այդ թվում՝ սահմանին եվրադիտորդների հարցում։
