Լավրովը պաշտոնական այցով մեկնել է Թուրքիա
Ռուսաստանի արտաքին գործերի նախարար Սերգեյ Լավրովը այցով ժամանել է Թուրքիայի մայրաքաղաք, հայտնում է RIA Novosti-ի թղթակիցը։
Անկարա կատարած այցից մի քանի օր առաջ նախարարը եղել է Հարավային Աֆրիկայում, որտեղ G20 նախարարական համաժողովի շրջանակում հանդիպել է Թուրքիայի արտգործնախարար Հաքան Ֆիդանի հետ՝ ի թիվս այլ հարցերի, քննարկելով Ռուսաստանի և ԱՄՆ-ի միջև խորհրդակցությունների արդյունքները, Ուկրաինայի և Սիրիայի շուրջ բանակցային գործընթացը։
Ակնկալվում է, որ Լավրովը կշարունակի քննարկել միջազգային իրավիճակի տարբեր ասպեկտները, ինչպես նաև երկկողմ հարաբերությունները։
