ԼՈՒՍԱՆԿԱՐՆԵՐ. Ուկրաինական ԱԹՍ–ն հարված է հասցրել Բելգորոդի մարզի եկեղեցիներից մեկին

Ուկրաինական անօդաչուն Բելգորոդի Գրուզսկոյե գյուղում հարվածել է Սուրբ Նիկոլայ եկեղեցուն։ Տեղեկությունը հայտնում է մարզպետ Վյաչեսլավ Գլադկովը։

Նրա խոսքով` պայթյունի հետևանքով հրդեհվել է եկեղեցու գմբեթը։

Ուկրաինական անօդաչուները հարձակվել են ՌԴ մարզի մի քանի բնակավայրերի վրա։ Ռժևկա գյուղում անօդաչուն հարված է հասցրել ձեռնարկության տարածքին, երկու ավտոմեքենա է վնասվել, մեկն ամբողջությամբ այրվել է։

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Ուկրաինայում մարտական գործողություններն ընթանում են մինչ օրս։

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։