Անվճար տոմս՝ մեկ ուղղությամբ. Հունգարիան ԵՄ-ին սպառնացել է միգրանտներին Բրյուսել ուղարկել

Հունգարիան սպառնացել է միգրանտներին ուղիղ Բրյուսել ուղարկել, եթե Եվրամիությունը խանգարի Բուդապեշտին պայքարել ապօրինի ներգաղթյալների հոսքի դեմ: Այս մասին գրում է ՏԱՍՍ-ը՝ վկայակոչելով Հունգարիայի վարչապետի գրասենյակի ղեկավար Գերգեյ Գույաշի խոսքերը։

«Եթե Բրյուսելը միգրանտներ է ուզում, նա նրանց կստանա։ Մենք նրանց կտրամադրենք մեկ ուղղությամբ տոմս դեպի Բրյուսել»,-Գուիյաշին մեջբերել է Հունգարիայի վարչապետի գրասենյակի միջազգային հաղորդակցությունների եւ կապերի պետքարտուղար Զոլտան Կովաչը։

Մինչ այդ վարչապետ Վիկտոր Օրբանը հայտարարել էր, որ առաջիկա տարիներին Բուդապեշտը մտադիր չէ ինչ-որ բան պայմանավորվել ԵՄ-ի հետ միգրացիայի հարցով: Դրա փոխարեն Հանրապետության իշխանությունները կկենտրոնանան պետական սահմանը և օտարերկրացիներից, և «բրյուսելյան բյուրոկրատներից» պաշտպանելու վրա, ամփոփել է Օրբանը։

Ավելի վաղ Եվրոպական միության դատարանը տուգանել էր Հունգարիային՝ ներգաղթյալներին ընդունելու ԵՄ կանոնները պարբերաբար չպահպանելու համար: